پەیمانگەی تەکنیکیی تایبەتی ئایندە

پەیمانگەی تەکنیکیی تایبەتی ئایندە                

ڕۆڵی دەرمانساز لە کۆمەڵگەدا


 
 
ڕۆڵی دەرمانساز لە کۆمەڵگەدا:
 
گرنگی پێشکەووتنی سێکتەری تەندروستی و پێشکەشکردنی خزمەتگوزاری تەندروستی بۆ هەموو تاکەکانی کۆمەڵگە نیشانەیەکە بۆ پێشکەووتنی کۆمەڵگە لەهەموو ڕووەکانیەوە.
پێگەیاندنی دەرمانسازی سەرکەوتوو یەکێکە لە خاڵە سەرەکیەکانی پێشکەووتنی سێکتەری تەندروستی لەکۆمەڵگەدا ، دەرمانساز ئەو کەسەیە کە چارەسەر ئەدا بە نەخۆش هەروەها دەیپارێزێت لەهەڵە بەکارهێنانی دەرمان. 
 
دەرمانساز ڕۆڵێکی گرنگی هەیە کەهیچ کەمترنیە لەڕۆڵی پزیشکێک، دەرمانساز پردێکی نێوانگیرییە لە نێوان نەخۆش وکارمەندە تەندروستیەکانی تر لە هەمان کاتدا دەتوانێت کۆنتڕۆڵی ئەو هەڵە پزیشکیانە بکات کە دەکرێت لە کاتی پێدانی دەرمان بە نە خۆش، وەهەروها ژینگەیەکی تەندروستی لەبار دروست دەکات بۆ دوورکەووتنەوە لە بەکارهێنانی دەرمانی هەڵە کە ئەمەش هۆکارێکە بۆ هۆشیارکردنەوەی هاوڵاتیان لە خراپ بەکارهێنانی دەرمان .
 
دڵسۆزی و ویژدانی دەرمانساز کاردەکات بۆ باشکردنی تاکەکانی کۆمەڵگە و ڕۆڵی دەبێت لە بووژاندنەوەی ئابووری وڵاتدا، لەگەڵ کردنەوەی کارگەی دەرمان بۆدابین کردنی پێداویستی هاوڵاتیان وەهەناردە کردنی بۆ دەرەوەی ووڵات .
ئە وەش لە بیرنەکەین دەرمانساز یەکێک بوو لە سەربازە سپییەکان کە ڕۆڵیان هەبوو لە بەرەنگاربوونەوەی پە تای (کۆڕۆنا) شان بەشانی دکتۆرو کارمەندانی تەندروستی.
۲٥ی ئەیلوول ئەو ڕۆژە پیرۆزەیە کە دیاری کراوە لە جیهاندا بۆ ڕۆژی دەرمانسازان، بە ناوی خۆم وئەنجوومەنی پەیمانگەی تەکنیکی ئایندەی تایبەت پیرۆزبایی لە هەموو دەمانسازان ئەکەین بەتایبەتی خوێندکاران و قوتابیانی دەرچووی بەشی دەرمانسازی پەیمانگەکەمان.
 
ئامادەکردنی/م.ی هەڵگورد نازم محمد
سەرۆک بەشی دەرمانسازی.
25/9/2020